ನಮಸ್ಕಾರ ಸೇಹಿತರೇ ಮುಂದಿನ ತಿಂಗಳ ಫೆಬ್ರವರಿಯಲ್ಲಿ (February) ಕೇಂದ್ರ ಬಜೆಟ್ 2025 ಮಂಡನೆಯಾಗಲಿದ್ದು, ಹೊಸ ವೇತನ ಆಯೋಗದ ನಿರೀಕ್ಷೆಯಲ್ಲಿ ಕೇಂದ್ರ ನೌಕರರು ಇದ್ದಾರೆ. ಆದ್ದರಿಂದ ಬಜೆಟ್ 2025(Budget 2025) ಮಂಡನೆಯಾಗುವುದನ್ನು ಸರ್ಕಾರಿ ನೌಕರರು ಉತ್ಸುಕರಾಗಿ ಎದುರು ನೋಡುತ್ತಿದ್ದಾರೆ. , 8ನೇ ವೇತನ ಆಯೋಗದ ಕುರಿತಂತೆ ಆದ ಘೋಷಣೆ ದೇಶದ ಎಲ್ಲರ ಗಮನ ಸೆಳೆಯುತ್ತಿದೆ. 8ನೇ ವೇತನ ಆಯೋಗ(8th Pay Commission): 2025 ಬಜೆಟ್‌ನಲ್ಲಿ ಮಹತ್ವದ ಘೋಷಣೆ ನಿರೀಕ್ಷೆ? ಕೇಂದ್ರ ನೌಕರರ ವೇತನ ಶೇಕಡಾ 186ರಷ್ಟು ಹೆಚ್ಚಳ ಸಾಧ್ಯತೆ?
ದೇಶದ 1 ಕೋಟಿ ಕೇಂದ್ರ ಸರ್ಕಾರಿ ನೌಕರರು ಮತ್ತು ಪಿಂಚಣಿದಾರರು ಹೊಸ ವೇತನ ಆಯೋಗದ ಕುರಿತು ಸಕಾರಾತ್ಮಕ ನಿರ್ಧಾರಕ್ಕಾಗಿ ನಿರೀಕ್ಷೆಯಲ್ಲಿದ್ದಾರೆ. 8ನೇ ವೇತನ ಆಯೋಗ ಜಾರಿಯಾದರೆ ಕೇಂದ್ರ ನೌಕರರ ವೇತನದಲ್ಲಿ ಶೇಕಡಾ 186ರಷ್ಟು ಹೆಚ್ಚಳವಾಗುವ ಸಾಧ್ಯತೆಗಳು ಇದ್ದು, ಈ ಬಗ್ಗೆ ಭಾರೀ ಚರ್ಚೆಗಳು ನಡೆಯುತ್ತಿವೆ.ಲೇಖನವನ್ನು ಸಂಪೂರ್ಣವಾಗಿ ಓದಿ ಮಾಹಿತಿ ತಿಳಿಯಿರಿ.
8ನೇ ವೇತನ ಆಯೋಗ ಘೋಷಣೆ ನಿರೀಕ್ಷೆ:
ಪ್ರತಿ ಹತ್ತು ವರ್ಷಕ್ಕೊಮ್ಮೆ (10 years) ಕೇಂದ್ರ ಸರ್ಕಾರ ಹೊಸ ವೇತನ ಆಯೋಗವನ್ನು ಜಾರಿಗೆ ತರುತ್ತಿದ್ದು, ಇದರ ಮೂಲಕ ನೌಕರರ ವೇತನ, ತುಟ್ಟಿಭತ್ಯೆ ಮತ್ತು ಇತರ ಸೌಲಭ್ಯಗಳಲ್ಲಿ ಬದಲಾವಣೆ ಮಾಡಲಾಗುತ್ತದೆ. 2016ರಲ್ಲಿ ಜಾರಿಯಾದ 7ನೇ ವೇತನ ಆಯೋಗದ (7th Pay Commission) ಶಿಫಾರಸುಗಳ ಪ್ರಕಾರ ನೌಕರರಿಗೆ ವೇತನ ಏರಿಕೆ ಸೇರಿದಂತೆ ಇತರ ಸೌಲಭ್ಯಗಳನ್ನು ಒದಗಿಸಲಾಗಿತ್ತು. 2025ರಲ್ಲಿ 8ನೇ ವೇತನ ಆಯೋಗ ಘೋಷಣೆಯಾಗುವ ನಿರೀಕ್ಷೆಯು ಎಲ್ಲ ಸರ್ಕಾರೀ ನೌಕರರ ಮುಖದಲ್ಲಿ ಮಂದಹಾಸ ತಂದಿದೆ
ನೌಕರರ ಬೇಡಿಕೆಗಳಿಗೆ ಸರ್ಕಾರದ ಪ್ರಸ್ತಾಪಗಳು ನೋಡಿ :
ಕೇಂದ್ರ ಸರ್ಕಾರಿ ನೌಕರರ ವಿವಿಧ ಯೂನಿಯನ್‌ಗಳು 8ನೇ ವೇತನ ಆಯೋಗದ ಜಾರಿಗಾಗಿ ಸರಕಾರಕ್ಕೆ ಮನವಿ ಮಾಡಿದ್ದು, ಬಜೆಟ್ ಪೂರ್ವ ಸಮಾವೇಶಗಳಲ್ಲಿ ತಮ್ಮ ಬೇಡಿಕೆಗಳನ್ನು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ (Finance Minister Nirmala Sitharaman) ಅವರಿಗೆ ಸಲ್ಲಿಸಿದ್ದಂತೆಯೇ ಸರ್ಕಾರ ಈ ಬಗ್ಗೆ ಸ್ಪಷ್ಟ ನಿರ್ಧಾರ ಪ್ರಕಟಿಸಿಲ್ಲ. ಆದರೂ, ನೌಕರರ ವೇತನ ಬದಲಾವಣೆಯ ಸಂಬಂಧ 2.86 ಫಿಟ್‌ಮೆಂಟ್‌ (2.86 Fitment) ಅಂಶವನ್ನು ಪರಿಗಣಿಸುವ ಸಾಧ್ಯತೆಗಳು ಹೆಚ್ಚಿನವು.
ವೇತನದಲ್ಲಿ ಶೇಕಡಾ 186ರಷ್ಟು (186%) ಏರಿಕೆ ಸಾಧ್ಯತೆ:
ನವೀಕರಿಸಿದ ವೇತನ ಆಯೋಗ ಜಾರಿಯಾದಲ್ಲಿ, ಪ್ರಸ್ತುತ ನಿಗದಿತ ಕನಿಷ್ಠ ₹18,000 ಮೂಲ ವೇತನವನ್ನು ₹51,480 ಗೆ ಹೆಚ್ಚಳ ಮಾಡುವ ಸಾಧ್ಯತೆಯಿದೆ. ಇದರೊಂದಿಗೆ, ಪಿಂಚಣಿದಾರರ ಪಿಂಚಣಿಯು ₹9,000 ರಿಂದ ₹25,740 ರೂಪಾಯಿಗೆ ಏರಬಹುದು ಎಂದು ಅಂದಾಜಿಸಲಾಗಿದೆ. ನೌಕರರ ತುಟ್ಟಿಭತ್ಯೆ, ಸುಧಾರಿತ ನಿವೃತ್ತಿ ಸೌಲಭ್ಯಗಳು, ಮತ್ತು ಇತರೆ ಬದಲಾವಣೆಗಳು ಕೂಡ ಈ ವೇಳೆ ಜಾರಿಗೆ ಬರಲಿವೆ.
ಸರ್ಕಾರದ ನಿಲುವು ತಿಳಿಯಿರಿ :
ಹಣದುಬ್ಬರ, ವ್ಯಯೋಚಿತ ಬದಲಾವಣೆಗಳು, ಮತ್ತು ಆರ್ಥಿಕ ಅಸ್ಥಿರತೆಯ ನಡುವೆಯೂ ಕೇಂದ್ರ ಸರ್ಕಾರಿ ನೌಕರರು 8ನೇ ವೇತನ ಆಯೋಗದ ಜಾರಿಗೆ ನಿರೀಕ್ಷೆ ಹೊಂದಿದ್ದಾರೆ. ಆದರೆ, ಹಣಕಾಸು ಇಲಾಖೆಯ ಪ್ರಸ್ತುತ ನಿಲುವುಗಳು 2025 ಬಜೆಟ್‌ನಲ್ಲಿ ಈ ಸಂಬಂಧ ಘೋಷಣೆ ಮಾಡುವ ಬಗೆಗಿನ ಪ್ರಸ್ತಾಪಗಳನ್ನು ಮಾತ್ರ ಸೂಚಿಸುತ್ತಿವೆ.
ನೌಕರರ ಆಗ್ರಹ ಮತ್ತು ಒತ್ತಡ:
ಹೊಸ ಆಯೋಗದ ಅನುಷ್ಠಾನಕ್ಕಾಗಿ ಕೇಂದ್ರ ನೌಕರರ ಸಂಘಗಳು ಮತ್ತು ಕಾರ್ಮಿಕ ಸಂಘಟನೆಗಳು ಬಲವಾದ ಆಗ್ರಹವನ್ನು ವ್ಯಕ್ತಪಡಿಸುತ್ತಿದ್ದು, ಬಜೆಟ್ ಘೋಷಣೆಯೊಂದಿಗೆ ನೌಕರರ ಕೈಗೆ “ಸಿಹಿ ಸುದ್ದಿಯನ್ನು” ಒದಗಿಸುವಂತೆ ಸರ್ಕಾರದ ಮೇಲೆ ಒತ್ತಡ ಹೇರಿವೆ. “ನಮ್ಮ ತಾಳ್ಮೆಗೆ ಈಗ ಮಿತಿ ಬಂದಿದೆ; 8ನೇ ವೇತನ ಆಯೋಗದ (8th Pay Commission) ನಿರ್ಣಯದಿಂದ ನೌಕರರ ಜೀವನಮಟ್ಟದಲ್ಲಿ ಉತ್ತಮ ಬದಲಾವಣೆ ಸಾಧ್ಯ” ಎಂದು ರಾಷ್ಟ್ರೀಯ ಕೌನ್ಸಿಲ್ ಆಫ್ ಜಾಯಿಂಟ್ ಕನ್ಸಲ್ವೇಟಿವ್ ಮೆಷಿನರಿ (NC-JCM) ಸದಸ್ಯ ಶಿವ ಗೋಪಾಲ್ ಮಿಶ್ರಾ (Shiva Gopal Mishra) ತಿಳಿಸಿದ್ದಾರೆ.
2025 ಬಜೆಟ್ ಘೋಷಣೆ ಮಹತ್ವದ ನಿರೀಕ್ಷೆಗಳು:
- ಮೂಲ ವೇತನದ ಗರಿಷ್ಠ ಏರಿಕೆ: ₹51,480
- ಪಿಂಚಣಿಯಲ್ಲಿ ಹೆಚ್ಚಳ: ₹25,740
- ಸೌಲಭ್ಯಗಳ ಬದಲಾವಣೆ: ನಿವೃತ್ತಿ ಮತ್ತು ತುಟ್ಟಿಭತ್ಯೆಗಳಲ್ಲಿ ಸುಧಾರಣೆ.
ಅನೇಕ ನಿರೀಕ್ಷೆಗಳನ್ನು ತಾಕೀತು ಮಾಡುವ ಕೇಂದ್ರ ಬಜೆಟ್ 2025, ಹೊಸ ವೇತನ ಆಯೋಗದ ಘೋಷಣೆಯ ಮೂಲಕ ನೌಕರರಿಗೆ ನೂತನ ಭರವಸೆಯನ್ನು ರೂಪಿಸಬಹುದೇ ಎಂಬುದು ಕಾದು ನೋಡಬೇಕಾಗಿದೆ.
ಇತರೆ ಪ್ರಮುಖ ವಿಷಯಗಳನ್ನು ಓದಿ :
- Aadhaar Recruitment:10ನೇ, PUC ಪಾಸಾದವರಿಗೆ ಆಧಾರ್ ಕೇಂದ್ರಗಳಲ್ಲಿ ಉದ್ಯೋಗ ಅವಕಾಶ! ಈ ರೀತಿ ಅರ್ಜಿ ಸಲ್ಲಿಸಿ
- KPSC Recruitment 2025: ಕರ್ನಾಟಕ ರಾಜ್ಯ ಕೃಷಿ ಇಲಾಖೆಯಿಂದ 945 ಹುದ್ದೆಗಳಿಗೆ ಅರ್ಜಿ ಆಹ್ವಾನ
